ਅਮਰੀਕਾ 'ਚ ਗੋਲੀਬਾਰੀ- 3 ਮੌਤਾਂ
ਸੈਕਰਾਮੈਂਟੋ- ਸਮਿਥਸਬਰਗ ਦੇ ਉੱਤਰ ਵਿਚ ਇਕ ਨਿਰਮਾਣ ਇਕਾਈ 'ਚ ਹੋਈ ਗੋਲੀਬਾਰੀ ਵਿਚ ਘੱਟੋ ਘੱਟ 3 ਵਿਅਕਤੀਆਂ ਦੀ ਮੌਤ ਹੋ ਗਈ ਤੇ 3 ਹੋਰ ਜ਼ਖਮੀ ਹੋ ਗਏ | ਪੁਲਿਸ ਅਧਿਕਾਰੀਆਂ ਅਨੁਸਾਰ ਜ਼ਖਮੀਆਂ 'ਚ ਸ਼ੱਕੀ ਹਮਲਾਵਰ ਤੇ ਮੈਰੀਲੈਂਡ ਸਟੇੇਟ ਪੁਲਿਸ ਦਾ ਇਕ ਜਵਾਨ ਸ਼ਾਮਿਲ ਹੈ | ਵਾਸ਼ਿੰਗਟਨ ਕਾਊਾਟੀ ਸ਼ੈਰਿਫ ਦਫਤਰ ਦੇ ਸਾਰਜੈਂਟ ਕਾਰਲੀ ਹੋਜ ਅਨੁਸਾਰ ਸੂਚਨਾ ਮਿਲਣ 'ਤੇ ਜਦੋਂ ਪੁਲਿਸ ਘਟਨਾ ਸਥਾਨ ਕੋਲੰਬੀਆ ਮਸ਼ੀਨ ਵਿਖੇ ਪੁੱਜੀ ਤਾਂ ਉਸ ਨੂੰ 6 ਵਿਅਕਤੀ ਗੋਲੀਆਂ ਵੱਜਣ ਕਾਰਨ ਜ਼ਖਮੀ ਹਾਲਤ ਵਿਚ ਮਿਲੇ, ਜਿਨ੍ਹਾਂ ਵਿਚੋਂ 3 ਦੀ ਮੌਕੇ ਉਪਰ ਮੌਤ ਹੋ ਗਈ ਜਦ ਕਿ ਬਾਕੀ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ | ਪ੍ਰਾਪਤ ਵੇਰਵੇ ਅਨੁਸਾਰ ਹਮਲਵਾਰ ਮੌਕੇ ਤੋਂ ਫਰਾਰ ਹੋ ਗਿਆ ਸੀ ਜਿਸ ਦਾ ਸਟੇਟ ਪੁਲਿਸ ਦੇ ਇਕ ਜਵਾਨ ਨੇ ਪਿੱਛਾ ਕੀਤਾ | ਦੋਨਾਂ ਵਿਚਾਲੇ ਹੋਈ ਗੋਲੀਬਾਰੀ ਦੌਰਾਨ ਦੋਨੋਂ ਜ਼ਖਮੀ ਹੋ ਗਏ ਜਿਨ੍ਹਾਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ | ਪੁਲਿਸ ਕਰਮੀ ਦੇ ਮੋਢੇ 'ਚ ਗੋਲੀ ਵੱਜੀ ਹੈ ਜਦ ਕਿ ਦੋਨਾਂ ਦੀ ਹਾਲਤ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲੀ |